Esperanto — Internacia Movado

Posted by    Anton Oberndorfer  to  Esperanta Retradio Tiun ĉi sonartikolon verkis kaj produktis Paŭlo Sergio Viana el Brazilo universala_deklaracio_.mp3 Listen on Posterous Antaŭ kelkaj tagoj, precize je la 10 de decembro, la mondo rememoris, ke antaŭ 63 jaroj Unuiĝintaj Nacioj dissendis al ĉiuj landoj sian plej faman kaj plej gravan dokumenton: Universala Deklaracio pri Homaj Rajtoj. En la jaro 1948, do tuj post la dua mondmilito, la homaro estis konsternita pro tiom da perforto, kruelo kaj sovaĝo, flanke de nacioj, kiujn oni konsideris la kremo de la civilizita mondo. Necesis protekti la estontecon kontraŭ ripeto de tia barbaraĵo. U.N. tiam komisiis al S-ro John Peters Humphrey, el Kanado, ke li redaktu tekston por starigi bazajn homajn rajtojn, kiujn la membroj de U.N. devus respekti. Tion li faris post interŝanĝo de ideoj kun homoj el la tuta mondo. De nun, internaciajn konfliktojn oni devos solvi per diplomatio, sen militoj. La dokumento ne povis havi leĝan forton, tiel ke...

Tre koincide al la ideoj de Probal, ni el  Esperanto@Brazilo  ĵus lanĉis en la brazila virtuala reto, omaĝe al Zamenhof-tago, la programon " Mia Amiko ", kiu celas unuigi interesatojn pri Esperanto kun esperantistaj amikoj. Tiu programo celas helpi la interesatojn ne nur lerni la lingvon, sed ankaŭ, pasi al ŝ/li iom da esperantisteco, rakontante pri nia movada historio, pri la celoj de la lingvo, pri niaj organizaĵoj kaj pri nia monda movado. Jen nia brazila antaŭenpuŝo por krei novajn amikajn vojojn por provizi nian movadon kun pli da esperantistoj. Ni devas konscii ke simplaj konantoj de la lingvo ne kreas plivastan kampon por Esperanto-disvolviĝo. Amikeco kaj esperantismo ja estas nia centjara formulon por ke tiu okazu. Adonis Saliba http://esperanto.brazilo.org  ________________________ Jen la mesaĝo de Probal Dashgupta Saluton, kunfestantoj de la Zamenhof-tago 2011,  En julio 2012 festos sian centdudekkvinjaran datrevenon la internacia lingvo Esperanto. Tiu jubi...

tejo aktuale Numero 293, 2011-12-13 La plej freŝaj informoj pri la Tutmonda Junulara Esperanto-Movado En la numero: [Junulara E-Semajno] Trajnkaravano al JES [baveleto] Seminario SANO-2 (28.12.11 - 02.01.12) en Herzberg - la Esperanto-urbo [Esperantistoj] Utilaj informoj pri NOVA [Amikoj de la Kopenhaga Esperantisto-klubo] Invitilo al Sud-azia Seminario en Nepalo PRINTEMPE 2012, ĉ. 5-a ĝis 12-a de aprilo 2012 [Esperanto] Haveblas la 75a elsendo de Varsovia Vento [baveleto] Kunigi europanojn per teatro [instru-german] Jubileo ne maltrafenda! UEA EN AFRIKA KONGRESO PRI KULTURO Venontaj renkontiĝoj Kolofono [JUNULARA E-SEMAJNO] TRAJNKARAVANO AL JES Saluton JES-partoprenontoj! Ni ŝatus vin informi pri ebleco malmultekoste vojaĝi al JES 2011, se vi loĝas en okcidenta Eŭropo. Estos denove trajnkaravano, kie oni grupe vojaĝas kaj profitas de la grupaj rabatoj, kaj samtempe jam komencas la esperantumadon pli frue! La aliĝilo troviĝas ĉe http://tinyurl.com/JES2011 J...

Posted by    Anton Oberndorfer  to  Esperanta Retradio sxuldobremso.mp3 Listen on Posterous En kelkaj landoj ankoraŭ kreskas la ekonomio, en aliaj landoj nur la ŝtataj ŝuldoj. Se ŝtato volas elspezi monon, ekz. por financi ampleksan ŝtatan aparaton aŭ por pagi pensiojn, sed la necesa mono ne enspeziĝas per impostoj, tiam la plej komforta ebleco por havigi al si la necesajn monrimedojn estas preni kreditojn. Ŝtato faras tion kutime en formo de obligacioj kiuj estas repagendaj post 5 aŭ 10 jaroj aŭ eĉ nur post 30 jaroj. Se ŝtato faras tion ĉiujare dum longa tempo sen havi ŝancon pri enspezoj pli altaj ol la elspezoj, tiam iutage venas la horo de la vero. Necesus repagi ŝuldojn, sed per kiu mono? Ho, tio ne estas problemo: Oni prenas novajn ŝuldojn por repagi la malnovajn. Tio ja estus bela ludo kaj ĝi eĉ funkciis dum sufiĉe longa tempo, sed la kreditantoj pli kaj pli konsciiĝas pri tiu truko. Ili rimarkas ke la ŝtatoj ne plu estas repagipovaj kaj do la kreditantoj donas la necesaj...

Antaŭ kelkaj tagoj, mi disponigis veran juvelon rilate al Esperanta literaturo, kiu estas la disponigo de Literatura Mondo en pdf-aj dosieroj anoncita en EsperantoMovado blogo. Vi ankaŭ povas uzi la rektan ligilon por konatiĝi rekte kun la revuoj ĉe http://literaturamondo.org/index.htm   Hodiaŭ, mi portas komplementan retlokan adreson, kiu estas ja gravega por navigi tra la revuoj de Literatura Mondo. Ĝi estas la ĝenerala enhavlisto de la LM-revuaro. Ordigita laŭ dato de publikigaĵoj, ĝi permesas havi ĝeneralan ideon de ĉio disponebla per aŭtoro, nomo de la publikigaĵo, tradukanto kaj en kiu numero ĝi troviĝas. Jen perlo por faciligi la literaturamantojn trovi siajn deziratajn legaĵojn: http://egalite.hu/vinye/literaturamondoenhavo.pdf Adonis Saliba Seja mais um esperantista! http://esperanto.brazilo.org

Posted by    Anton Oberndorfer  to  Esperanta Retradio Tiun ĉi sonartikolon verkis kaj produktis Gian Piero Savio el Israelo Poezie_pri_gurdo.mp3 Listen on Posterous Donaca poemeto por la Esperanta Retradio En la nuna materialisma mondo la versarto tamen ne mortis. Malgraŭ la ŝajnoj, poezia emocio daŭre pulsas en la koroj de multe da homoj en ĉiu lando kaj en ĉiu lingvo de la mondo. Kompreneble tio ankaŭ okazas ĉe sufiĉe da esperantistoj. Mi persone estis bonŝanca: post lerneja deviga (plejofte teda) lernado de naciaj poezaĵoj kaj 50 jaroj de forgeso, mi lastatempe malkovris poezion dank' al amikeco kun esperanta poeto loĝanta en Jerusalemo: Mikaelo Giŝpling. Li, plendante, ke pro maljuneco jam tre malofte ricevas viziton de la muzo, ĝoje dediĉas la jenan poemeton al ĉiuj geaŭskultantoj: Kanto pri gurdo Mi pense forflugas al horoj De mia infana ekzisto. Alvenas al mi rememoroj Pri olda vaganta gurdisto. Li turnis la krankon de l' gurdo Kaj tiu kaduka maŝino Jen zumis ...

Gazetaraj Komunikoj de UEA N-ro 438 2011-12-11 AKTORINO VIDA JERMAN FORPASIS La elstara kroata esperantista aktorino Vida Jerman forpasis la 10-an de decembro en Zagrebo en la aĝo de 72 jaroj. Ŝi naskiĝis la 28-an de majo 1939. Kroataj amaskomunikiloj, kiuj vaste raportis pri ŝia forpaso, karakterizis ŝin kiel legendon de la kroata teatro. Saman statuson ŝi akiris ankaŭ en la Esperanta teatro. Vida Jerman diplomiĝis en la Zagreba Akademio de Dramarto. Ŝi laboris en diversaj teatroj kaj rolis en pluraj filmoj, interalie en  Kiu kantas, malbonon ne planas  de Kreŝimir Golik (1970), konsiderata la plej bona kroata filmo de ĉiuj tempoj, kaj  La elekto de Sophie  de la usona reĝisoro Alan Pakula (1982). Al la Esperanta teatro Jerman kontribuis ekde 1973, kiam ŝi aliĝis al la Drama grupo de Studenta Esperanto-Klubo de Zagrebo kaj debutis en  Doktoro Rosales  de G. Silfer. Antaŭ la monda publiko ŝi famiĝis en la 71-a UK en Pekino en 1986 per la monodramo  Virino, kiu flustris en uragano  ...