Rio nun estas tutmonda posedaĵo

Posted by

Tiun ĉi sonartikolon verkis kaj produktis Paŭlo Sergio Viana el Brazilo

rio_tutmonda_p.mp3Listen on Posterous

Neniu malkonsentus, ke la brazila urbo Rio estas aparte bela, koncerne siajn pejzaĝojn. La kontrastoj kaj konturoj de montaro, arbaroj kaj maro formas kapricajn lokojn, antaŭ kiuj la homa rigardo neniam laciĝas. La naturo tie ne ŝparis sian talenton. En tempo, kiam la tuta mondo okupiĝas pri la protektado de naturaj belaĵoj kaj rimedoj, estas kompreneble, ke oni emas stimuli protektadon kaj elstarigadon de la belaĵoj de tiu urbo.
UNESKO ĵus faris tion. Je la 1-a de julio 2012, en la rusa urbo San-Peterburgo, ĝi deklaris, ke Rio estas tutmonda posedaĵo pro sia "natura pejzaĝo". La decidon faris la Komitato pri Mondaj Riĉaĵoj, kaj tiu kategorio estas nova: Rio estas la unua urbo, kiu ĝin ricevis, post prezento de kandidatiĝo jam en la jaro 2009. Laŭ la brazila instanco, kiu prezentis la proponon, harmonia rilato inter pejzaĝoj kaj homaj intervenoj en tiu urbo faras ĝin unika. Oni aparte substrekis la belecon de iuj lokoj:

- "Sukerpano" : rokego staranta ĉe la enirejo de la golfo, al kies supro kondukas pendantaj trametoj;
- la fama statuo de Kristo, sur monto Corcovado, je alteco de 710 metroj ,
inaŭgurita en 1931 kaj elektita en 2007 kiel unu el la "mirindaĵoj en la mondo";
- la Tijuca-arbaro, la tria plej vasta verda urba areo en Brazilo, okupanta preskaŭ 4000 hektarojn;
- la konata plaĝo Kopakabana, 5 kilometrojn longa;
- kaj la tuta golfo Guanabara mem.

UNESKO kreis la koncepton pri "kulturpejzaĝo" en la jaro 1992, kiel novan specon de rekono de kulturaj riĉaĵoj. Jam ekzistas en la mondo pli ol naŭcent lokoj konsiderataj de ĝi kiel "mondaj posedaĵoj". Ĝis nun, oni konsideris kiel kulturpejzaĝojn nur tradiciajn agrokulturajn sistemojn, specialajn kamparajn lokojn, historiajn ĝardenojn kaj emocivekajn lokojn, laŭ simbola, religia aŭ historia vidpunktoj.

Brazilo havas aliajn 18 lokojn inter la UNESKO-riĉaĵoj, interalie la arkitekturan ensemblon de la ĉefurbo Brasília kaj la naturan paradizon en la insulo Fernando de Noronha.

--

Virtuala Brazila Esperanto-Movado

http://esperanto.brazilo.org

Comentários

Postagens mais visitadas deste blog

Novaĵoj pri Briksaj landoj en 2025

La BRICS-emblemo en Brazilo en 2025 estos la sumauma-kotonarbo. La brazila registaro publikigis la BRICS-emblemon, kiu estos uzata por la landa prezidanteco de la unuiĝo en 2025. La emblemo prezentas la sumauma-kotonarbon kreskantan en Amazono, kiu estas pentrita en la koloroj de la naciaj flagoj de la ŝtatoj de la BRIKS-unuiĝo. 1. La 1-an de januaro, la prezidanteco de BRICS oficiale transiris de Rusio al Brazilo. Tio estas la dua sinsekva jaro, ke la latinamerika ŝtato fariĝas la centro de altiro por politikistoj de la plej alta nivelo. Plej verŝajne, Rio-de-Ĵanejro iĝos la ĉefurbo de la ĉefa evento, nome la renkontiĝo je la nivelo de ŝtatestroj. Almenaŭ la ĉefaj eventoj de la G20 en 2024 okazis tie. La pasintan novembron la urbestro de Rio-de-Ĵanejro Eduardo Paes diris, ke li jam proponis al brazila prezidento Luiz Inacio Lula da Silva okazigi tie la Pint-Kunvenon. Cetere, la estro de la brazila Ministerio pri eksterlandaj aferoj Mauro Vieira deklar...

La Trankvila Transo: Esperanta Filmo, kiu Kortuŝas kaj Inspiradas

En la lastatempa festivalo de Esperanto-USA, la 5-minuta filmo "La Trankvila Transo" elstaris kiel la granda gajninto de la unua premio. Ĉi tiu verko ne nur gajnis la admiron de la juĝantaro, sed ankaŭ kaptis la koron de la internacia komunumo. La filmo pritraktas la profundan temon de maljuniĝo, kaptante kaj sentimentajn kaj dramajn momentojn de tiu ĉi universala homa sperto. La titolo mem, "La Trankvila Transo," sugestas la mediteman kaj emocian vojaĝon, kiun ĝi prezentas. Tra zorgeme kreitaj scenoj kaj kun impresa atento al detaloj, la filmo donas voĉon al temoj kiel nostalgio, akcepto, kaj la mistera beleco de la vivo mem. Kvankam mallonga, la filmo sukcesas transdoni profundan mesaĝon: maljuniĝo ne estas nur fizika ŝanĝo, sed ankaŭ spirita transiro, plenplena de signifoj kaj memoroj. Unu el la ĉefaj fortoj de "La Trankvila Transo" estas ĝia kapablo rakonti universalan historion per la unika lenso de Esperanto. La lingvo, kiu simbolas interkompreniĝon...

Disvastigado de Esperanto en la Nuna Mondo

Esperanto restas unu el la plej fascinaj lingvoprojektoj de la homaro. Kvankam ĝi ne atingis la statuson de universala lingvo, la komunumo de Esperanto-parolantoj daŭre kreskas kaj adaptiĝas al la ŝanĝiĝantaj bezonoj de la moderna mondo. Esperanto naskiĝis kun la celo faciligi internacian komunikadon kaj promocii pacon inter diversaj kulturoj. La lingvo estis desegnita por esti facile lernebla, kun logika gramatiko kaj internacie inspiritaj vortoj. Dum pli ol jarcento, Esperanto evoluis de simpla lingvoprojekto al vivanta kulturo kun literaturo, muziko kaj interreta komunumo. En la moderna mondo, la angla ofte ludas la rolon de tutmonda lingvo. Tamen tio alportas multajn problemojn, kiel malegaleco inter denaskaj kaj lernantaj parolantoj, lingva hegemonio kiu povas minaci kulturajn kaj lingvajn diversecojn, kaj ekonomian maljustecon ĉar nur certaj grupoj profitas de la tutmondiĝo de la angla. Esperanto proponas alternativon al tiuj defioj per sia neŭtraleco kaj inkluziva filozofio...

Esperanto — Internacia Movado

Pesquisar este blog