Avo Frosto parolas Esperanton!

Avo Frosto vizitas la infanojn en Hungario la 6-an de decembro. Antaŭ semajno mia 4-jara filino estis "superstelo" en la infanĝardeno, kiam ŝi portis kaj fiere montradis la perpoŝte ricevitan veran leteron de Avo Frosto... Sekvajare ni skribos al Avo Frosto en Esperanto, ni sukcesis ekscii lian ĝustan poŝtan adreson !!

AVO FROSTO PAROLAS EN ESPERANTO!

Avo Frosto havas plurajn nomojn, kiel ekz. Patro Kristnasko, Jul-Avo, Sankta Nikolao, Kristnaska Viro. Ĉe la jarfino li portadas donacon al infanoj, kaj antaŭ dek jaroj li lernis ankaŭ Esperanton ĉe la Esperanto-Societo Kebekia!

Avo Frosto loĝas ĉe la Norda Poluso en Kanado. Kun ĝojo li ricevas manskribitajn leterojn de infanoj kaj junuloj, kaj volonte li respondas al ili en vera paper-kovertita letero en Esperanto! Tio certe ĝojigas ne nur infanojn de esperantlingvaj familioj, sed ankaŭ tiujn, kiuj lernas la lingvon en infanĝardenoj, lernejoj, aŭ en libertempo.

Avo Frosto tre ŝatas la manskribitajn leterojn, do infanoj aldonu sian desegnaĵon aŭ siajn manskribitajn vortojn eĉ se pri la letero helpas al ili la gepatroj! Por certigi la ĝustan pritraktadon, sur via koverto kaj letero aperu la vorto 'Esperanto!' Viajn leterojn direktu al:

Avo Frosto,
Norda Poluso,
Hoh Oho, Kanado - Canada

Szilvási László
(laŭ: Normand Fleury, Eventoj-240, Lernu, esperanto.ca)

--------
Ret-Info: http://www.facebook.com/Ret.Info

__________________________________________________________________________________________
Retpoŝta novaĵservo kun selektitaj E-novaĵoj, RET-INFO : http://www.eventoj.hu

Esperanto@Brazilo - http://esperanto.brazilo.org
Movimento Virtual de Esperanto no Brasil

Comentários

Postagens mais visitadas deste blog

Novaĵoj pri Briksaj landoj en 2025

La BRICS-emblemo en Brazilo en 2025 estos la sumauma-kotonarbo. La brazila registaro publikigis la BRICS-emblemon, kiu estos uzata por la landa prezidanteco de la unuiĝo en 2025. La emblemo prezentas la sumauma-kotonarbon kreskantan en Amazono, kiu estas pentrita en la koloroj de la naciaj flagoj de la ŝtatoj de la BRIKS-unuiĝo. 1. La 1-an de januaro, la prezidanteco de BRICS oficiale transiris de Rusio al Brazilo. Tio estas la dua sinsekva jaro, ke la latinamerika ŝtato fariĝas la centro de altiro por politikistoj de la plej alta nivelo. Plej verŝajne, Rio-de-Ĵanejro iĝos la ĉefurbo de la ĉefa evento, nome la renkontiĝo je la nivelo de ŝtatestroj. Almenaŭ la ĉefaj eventoj de la G20 en 2024 okazis tie. La pasintan novembron la urbestro de Rio-de-Ĵanejro Eduardo Paes diris, ke li jam proponis al brazila prezidento Luiz Inacio Lula da Silva okazigi tie la Pint-Kunvenon. Cetere, la estro de la brazila Ministerio pri eksterlandaj aferoj Mauro Vieira deklar...

La Trankvila Transo: Esperanta Filmo, kiu Kortuŝas kaj Inspiradas

En la lastatempa festivalo de Esperanto-USA, la 5-minuta filmo "La Trankvila Transo" elstaris kiel la granda gajninto de la unua premio. Ĉi tiu verko ne nur gajnis la admiron de la juĝantaro, sed ankaŭ kaptis la koron de la internacia komunumo. La filmo pritraktas la profundan temon de maljuniĝo, kaptante kaj sentimentajn kaj dramajn momentojn de tiu ĉi universala homa sperto. La titolo mem, "La Trankvila Transo," sugestas la mediteman kaj emocian vojaĝon, kiun ĝi prezentas. Tra zorgeme kreitaj scenoj kaj kun impresa atento al detaloj, la filmo donas voĉon al temoj kiel nostalgio, akcepto, kaj la mistera beleco de la vivo mem. Kvankam mallonga, la filmo sukcesas transdoni profundan mesaĝon: maljuniĝo ne estas nur fizika ŝanĝo, sed ankaŭ spirita transiro, plenplena de signifoj kaj memoroj. Unu el la ĉefaj fortoj de "La Trankvila Transo" estas ĝia kapablo rakonti universalan historion per la unika lenso de Esperanto. La lingvo, kiu simbolas interkompreniĝon...

Disvastigado de Esperanto en la Nuna Mondo

Esperanto restas unu el la plej fascinaj lingvoprojektoj de la homaro. Kvankam ĝi ne atingis la statuson de universala lingvo, la komunumo de Esperanto-parolantoj daŭre kreskas kaj adaptiĝas al la ŝanĝiĝantaj bezonoj de la moderna mondo. Esperanto naskiĝis kun la celo faciligi internacian komunikadon kaj promocii pacon inter diversaj kulturoj. La lingvo estis desegnita por esti facile lernebla, kun logika gramatiko kaj internacie inspiritaj vortoj. Dum pli ol jarcento, Esperanto evoluis de simpla lingvoprojekto al vivanta kulturo kun literaturo, muziko kaj interreta komunumo. En la moderna mondo, la angla ofte ludas la rolon de tutmonda lingvo. Tamen tio alportas multajn problemojn, kiel malegaleco inter denaskaj kaj lernantaj parolantoj, lingva hegemonio kiu povas minaci kulturajn kaj lingvajn diversecojn, kaj ekonomian maljustecon ĉar nur certaj grupoj profitas de la tutmondiĝo de la angla. Esperanto proponas alternativon al tiuj defioj per sia neŭtraleco kaj inkluziva filozofio...

Esperanto — Internacia Movado

Pesquisar este blog