Escepta talentulo kantas

Posted by

alois_kantas.mp3 Listen on Posterous

Mia loĝloko Gunskirchen kun 5000 enloĝantoj situas tuj apud la urbo Wels kun 50.000 enloĝantoj. Kaj kvankam en la 10-oble pli granda urbo funkcias landa muziklernejo, ankaŭ ĉe ni en Gunskirchen ni havas nian propran muziklernejon kun tute bela nova konstruaĵo. Krome ni havas koncertejon kie okazas multaj kulturaj kaj sociaj eventoj.

Lastan sabaton tie okazis speciala koncerto: La 40-jara direktoro de la muziklernejo festis sian "rondan" datrevenon per tute speciala koncerto kiun li gvidis kiel estro de orkestro. Li kunvokis tiucele tute specialan orkestron kiu konsistis el profesiaj muzikistoj kaj el instruistoj el la muziklernejo. Kiel membro de la bonfara klubo "Lions" li organizis la koncerton kiel bonfaran por subteni helpobezonajn homojn en nia municipo. En la koncerto prezentiĝis klasikaĵoj. La titolo de la koncerto nome estis: "Orelaj frandaĵoj de la klasika muziko". Oni aŭdigis partojn el sinfonioj, el koncertoj por korno, klarneto kaj piano, kaj el operoj. La operajn ariojn kantis tute speciala solisto: Li estas vera fenomeno. Alois Mühlbacher estas nur 16-jara, li estas ankoraŭ kantoknabo en la kantoknabaro en St. Florian apud Linz kaj li havas ankoraŭ sian altan infanan voĉon. Alois prezentis dum la koncerto ariojn el la opero "Carmen" kaj kantis la mondkonatajn melodiojn kiel "Toréador, en garde ... ". Je la fino de la koncerto li aldone kantis "Nessun dorma" el "Turandot" de Puccini. Estis vere mirinde kiel tiu knabo tute nature agis kaj kondutis kaj tamen kantis jam kun alta grado de profesieco. Li havas evidente esceptan talenton kaj li sendube fariĝos granda kantisto. Per sia voĉo kaj per sia simpatia konduto li jam hodiaŭ ravas la homojn. Vi povas ankaŭ ĉi tie mem aŭdi kaj vidi lin en televida registraĵo de la populara televida spektaklo "Muzikantenstadl" kie li kantis la arion de la "Reĝino de la Nokto" el la "Magia Fluto" de Mozart. Vi certe komprenos ke por mi estas granda ĝojo ke tia knabo kantis sur la sama scenejo kie ankaŭ mi kantas en la koncertoj de nia kantorondo. Mi estas tre feliĉa ke kultura agado estas tiel vigla en nia malgranda municipo. La klasika koncerto lastan sabaton estis nur unu el longa vico de altvaloraj kulturaj eventoj.

Specimeno de la kantisto: (LIGILO)

___________________
Aprenda ESPERANTO com um amigo!

Programa MIA AMIKO... Participe!

http://esperanto.brazilo.org

Comentários

Postagens mais visitadas deste blog

Novaĵoj pri Briksaj landoj en 2025

La BRICS-emblemo en Brazilo en 2025 estos la sumauma-kotonarbo. La brazila registaro publikigis la BRICS-emblemon, kiu estos uzata por la landa prezidanteco de la unuiĝo en 2025. La emblemo prezentas la sumauma-kotonarbon kreskantan en Amazono, kiu estas pentrita en la koloroj de la naciaj flagoj de la ŝtatoj de la BRIKS-unuiĝo. 1. La 1-an de januaro, la prezidanteco de BRICS oficiale transiris de Rusio al Brazilo. Tio estas la dua sinsekva jaro, ke la latinamerika ŝtato fariĝas la centro de altiro por politikistoj de la plej alta nivelo. Plej verŝajne, Rio-de-Ĵanejro iĝos la ĉefurbo de la ĉefa evento, nome la renkontiĝo je la nivelo de ŝtatestroj. Almenaŭ la ĉefaj eventoj de la G20 en 2024 okazis tie. La pasintan novembron la urbestro de Rio-de-Ĵanejro Eduardo Paes diris, ke li jam proponis al brazila prezidento Luiz Inacio Lula da Silva okazigi tie la Pint-Kunvenon. Cetere, la estro de la brazila Ministerio pri eksterlandaj aferoj Mauro Vieira deklar...

Programo Mia Amiko: Granda Projekto por Esperantistiĝo en Brazilo

Programo Mia Amiko (PMA) fariĝis unu el la plej gravaj projektoj por disvastigi kaj subteni la uzadon de Esperanto en Brazilo. Ĉi tiu programo ne nur inspiras centojn da homoj lerni la lingvon, sed ankaŭ kreas fortikan komunumon de lernantoj kaj volontuloj, kiuj ĉiutage kunlaboras por antaŭenigi la idealojn de Esperanto. Vasta Programaro por Ĉiuj Niveloj Unu el la ĉefaj avantaĝoj de PMA estas ĝia alirebleco kaj diverseco. La programo proponas kursojn por ĉiuj niveloj, ekde bazaj ĝis progresigaj, donante al lernantoj la ŝancon, paŝon post paŝo, majstri la lingvon. Ĉi tiuj lecionoj estas gvidataj de spertaj instruistoj kaj apogataj de dediĉitaj volontuloj, kiuj certigas, ke ĉiu lernanto ricevas la atenton kaj subtenon, kiujn ili bezonas. La kursoj estas realigitaj rete, kio faciligas la aliron por homoj tra la tuta lando. Lernantoj povas partopreni de la komforto de sia hejmo, kun horaroj adaptitaj al diversaj bezonoj. Tia aliro inkluzivigas ĉiujn interesatojn kaj kreas d...

La Trankvila Transo: Esperanta Filmo, kiu Kortuŝas kaj Inspiradas

En la lastatempa festivalo de Esperanto-USA, la 5-minuta filmo "La Trankvila Transo" elstaris kiel la granda gajninto de la unua premio. Ĉi tiu verko ne nur gajnis la admiron de la juĝantaro, sed ankaŭ kaptis la koron de la internacia komunumo. La filmo pritraktas la profundan temon de maljuniĝo, kaptante kaj sentimentajn kaj dramajn momentojn de tiu ĉi universala homa sperto. La titolo mem, "La Trankvila Transo," sugestas la mediteman kaj emocian vojaĝon, kiun ĝi prezentas. Tra zorgeme kreitaj scenoj kaj kun impresa atento al detaloj, la filmo donas voĉon al temoj kiel nostalgio, akcepto, kaj la mistera beleco de la vivo mem. Kvankam mallonga, la filmo sukcesas transdoni profundan mesaĝon: maljuniĝo ne estas nur fizika ŝanĝo, sed ankaŭ spirita transiro, plenplena de signifoj kaj memoroj. Unu el la ĉefaj fortoj de "La Trankvila Transo" estas ĝia kapablo rakonti universalan historion per la unika lenso de Esperanto. La lingvo, kiu simbolas interkompreniĝon...

Esperanto — Internacia Movado

Pesquisar este blog